„რადიო თავისუფლების“ ევროპის ბიუროს რედაქტორის, რიკარდ იოზვიაკის ინფორმაციით, ევროკავშირის ელჩები დღეს კიდევ ერთხელ შეეცდებიან რუსეთის წინააღმდეგ პერსონალური სანქციების გახანგრძლივებაზე შეთანხმდნენ

„რადიო თავისუფლების“ ევროპის ბიუროს რედაქტორის, რიკარდ იოზვიაკის ინფორმაციით, ევროკავშირის ელჩები დღეს კიდევ ერთხელ შეეცდებიან რუსეთის წინააღმდეგ პერსონალური სანქციების გახანგრძლივებაზე შეთანხმდნენ. ჟურნალისტი სოციალურ ქსელში წერს, რომ სლოვაკეთი სანქციების სიიდან რუსი ბიზნესმენების — ალიშერ უსმანოვისა და მიხაილ ფრიდმანის ამოღებას ითხოვს, საფრანგეთი — მხოლოდ უსმანოვის, ხოლო ლუქსემბურგი ამბობს, რომ თუ სანქციებს ერთ ბიზნესმენს მოუხსნიან, მაშინ მეორეც უნდა გათავისუფლდეს შეზღუდვებისგან. ევროკავშირმა რუსეთის წინააღმდეგ პერსონალური სანქციები 22 სექტემბრამდე გაახანგრძლივა; თუ ამ თარიღამდე ელჩები ვერ შეთანხმდნენ, სანქციები შესაძლოა ყველასთვის გაუქმდეს.