ამერიკის იუსტიციის დეპარტამენტმა რუსეთის დაზვერვის ქსელის ხუთ წევრს ტერორიზმის დაფინანსებისა და მკვლელობების დაგეგმვისთვის ბრალი წაუყენა

ამერიკის იუსტიციის დეპარტამენტმა რუსეთის დაზვერვის ქსელის ხუთ წევრს ტერორიზმის დაფინანსებისა და მკვლელობების დაგეგმვისთვის ბრალი წაუყენა. უწყების განცხადებით, რუსეთის სადაზვერვო სამსახურების დავალებით მოქმედი პირები მთელი მსოფლიოს მასშტაბით, მათ შორის ამერიკაშიც, თავდასხმებსა და მკვლელობებს გეგმავდნენ. ასევე ეს ქსელი უკრაინის მოკავშირე ევროპულ ქვეყნებში სამოქალაქო და სამხედრო ობიექტებზე ტერორისტულ აქტებს ამზადებდა. ამერიკის გენერალურმა პროკურორმა, განაცხადა, რომ ჯგუფი ვაშინგტონში მყოფი რუსი დისიდენტის მკვლელობას გეგმავდა. ბრალდებულები რუსეთის, კუბისა და ვენესუელის მოქალაქეები არიან, ხუთივე მიმალვაშია.