სლოვაკ კოლეგასთან შეხვედრას საქართველოს პრემიერ-მინისტრი, სოციალურ ქსელ „ტვიტერში“ ოფიციალურ გვერდზე ეხმაურება
სლოვაკ კოლეგასთან შეხვედრას საქართველოს პრემიერ-მინისტრი, სოციალურ ქსელ „ტვიტერში“ ოფიციალურ გვერდზე ეხმაურება. მთავრობის მეთაური აღნიშნავს, რომ საქართველო აფასებს სლოვაკეთის რესპუბლიკის ცალსახა მხარდაჭერას ქვეყნის სუვერენიტეტისა და ტერიტორიული მთლიანობის მიმართ. „გლობალური უსაფრთხოების ბრატისლავის წლევანდელი ფორუმის ფარგლებში დროული და მნიშვნელოვანი შეხვედრა მქონდა სლოვაკეთის რესპუბლიკის პრემიერ-მინისტრ ედუარდ ჰეგერთან. ევროკავშირში წევრობის გზაზე საქართველოს მიერ მიღწეულ წინსვლასთან ერთად, ორმხრივი თანამშრომლობა განვიხილეთ. ძალიან ვაფასებთ სლოვაკეთის რესპუბლიკის ცალსახა მხარდაჭერას საქართველოს სუვერენიტეტისა და ტერიტორიული მთლიანობის მიმართ“, - აცხადებს ირაკლი ღარიბაშვილი.