ავსტრალია 2022 წლის დადგომას ზეიმობს
ავსტრალიაში ახალი წელი დადგა. სიდნეიში 2022 წელს ტრადიციული გრანდიოზული ფოიერვერკებით ხვდებიან, რომელიც 12 წუთის განმავლობაში გაგრძელდება. მართალია, სიდნეი კორონავირუსის ომიკრონის შტამით გამოწვეულ ახალ ტალღას ებრძვის, თუმცა ავსტრალიის პრემიერ მინისტრმა მოსახლეობას საახალწლოდ გარეთ გასვლისა და ახალი წლის აღნიშვნისაკენ მოუწოდა. სიდნეის ფოიერვერკების გრანდიოზული საახალწლო შოუსთვის 80 ათასზე მეტი ერთეული პიროტექნიკა გამოიყენება. 2022 წლის აღსანიშნად, სიდნეის ოპერის სახლში საახალწლო კონცერტიც იმართება, რომელიც "ეი-ბი-სის" სატელევიზიო ეთერით გადაიცემა.