საქართველოს პრეზიდენტი და საგარეო საქმეთა მინისტრი აშშ-ის ვიცე-პრეზიდენტ ჯეი დი ვენს და აშშ-ის სახელმწიფო მდივანს მარკო რუბიოს შეხვდნენ
საქართველოს პრეზიდენტი და საგარეო საქმეთა მინისტრი აშშ-ის ვიცე-პრეზიდენტ ჯეი დი ვენს და აშშ-ის სახელმწიფო მდივანს მარკო რუბიოს შეხვდნენ. საუბრისას განსაკუთრებული აქცენტი ორი ქვეყნის საერთო ღირებულებებზე გაკეთდა. მიხეილ ყაველაშვილი და მაკა ბოჭორიშვილი საერთაშორისო ოლიმპიური კომიტეტის პრეზიდენტის მასპინძლობით გამართულ მიღებას დაესწრნენ და სხვადასხვა ქვეყნის ლიდერებს შეხვდნენ. საქართველოს პრეზიდენტი ასევე დაესწრება ზამთრის ოცდამეხუთე ოლიმპიური თამაშების გახსნის ცერემონიაზე დამსწრე უცხო სახელმწიფოების მეთაურების პატივსაცემად იტალიის პრეზიდენტის სახელით გამართულ ვახშამს.