ავსტრალიის ოპოზიციური ლიბერალური პარტია წარმოადგენს კანონპროექტს, რომელიც პოლიციისა და სასამართლოებისთვის უფრო მეტი უფლებამოსილების მინიჭებას ითვალისწინებს სიძულვილით მოტივირებული მიტინგებისა და დარღვევების შესაჩერებლად
ავსტრალიის ოპოზიციური ლიბერალური პარტია წარმოადგენს კანონპროექტს, რომელიც პოლიციისა და სასამართლოებისთვის უფრო მეტი უფლებამოსილების მინიჭებას ითვალისწინებს სიძულვილით მოტივირებული მიტინგებისა და შაბათ-კვირის მუდმივი დარღვევების შესაჩერებლად. ახალი ინიციატივით, პროტესტის მონაწილეებს წელიწადში 3 უფასო აქციის მოწყობის უფლება ექნებათ. ამის შემდეგ ჯგუფებს შეიძლება მოეთხოვოთ გადასახადი პოლიციის მიერ გამოყენებული რესურსებისთვის, როგორიცაა ზეგანაკვეთური სამუშაო და საგზაო მოძრაობის კონტროლი. სასამართლოებმა პროტესტის დამტკიცებამდე უნდა გაითვალისწინონ რეალური შედეგები, მათ შორის, გადასახადის გადამხდელების დანახარჯები, საზოგადოებრივი წესრიგის დარღვევის დონე, ერთი და იმავე ჯგუფის მიერ საპროტესტო აქციების სიხშირე და ადგილობრივ ბიზნესებსა და მუშაკებზე ეკონომიკური ზეგავლენა. კანონპროექტით, საპროტესტო აქციებზე სახის დამცავი საშუალებების ტარება აიკრძალება, თუ ისინი ვინაობის დასამალად ან პასუხისმგებლობის თავიდან ასაცილებლად გამოიყენება