შეერთებულ შტატებში ქრისტიანული ფასეულობები დემოკრატებსა და რესპუბლიკელებს შორის ურთიერთ კრიტიკის საფუძველი გახდა
ამერიკის ვიცე პრეზიდენტმა ჯეი დი ვენსმა ყოფილი პრეზიდენტის ჯო ბაიდენის პრესმდივანი ჯეინ ფსაკი, სოციალურ ქსელში გამოქვეყნებული პოსტის გამო გააკრიტიკა. ფსაკიმ დაწერა, რომ მინეაპოლისის კათოლიკურ ეკლესიაში სროლის შედეგად დაღუპულთა და დაშავებულთათვის, ლოცვა საკმარისი არ არის, ეს ვერც დაღუპულებს დააბრუნებს და ვერც მშობლებს მისცემს შვილების უსაფრთხოების გარანტიას. ტრამპის ადმინისტრაციაში ეს ქრისტიანულ ფასეულობებზე დემოკრატების თავდასხმად შეფასდა. ჯეი დი ვენსმა განაცხადა, რომ მლოცველების კრიტიკა მემარცხენეების კულტურული ომის ნაწილია, რასაც რესპუბლიკელები არ იზიარებენ.