თბილისში, ვაგზლის ბაზრობის ტერიტორიაზე ძლიერი ხანძარი ლიკვიდირებულია
თბილისში, ე.წ. ბორჯომის ვაგზლის ბაზრობის ტერიტორიაზე ხანძარი ლიკვიდირებულია. დაახლოებით 14 ათას კვადრატულ მეტრზეა დამწვარი შერეული ბაზრობის ტერიტორია, მათ შორის რამდენიმე მაღაზია. ცეცხლი, თვითმხილველის ცნობით, ბორჯომის რკინიგზის სადგურის მიმდებარე ტერიტორიაზე დაახლოებით დილის 7 ნახევარზე გაჩნდა. ჯერ უცნობია ხანძრის მიზეზი. როგორც თბილისის სახანძრო სამაშველოს მთავარი სამმართველოს უფროსი ამბობს, უსაფრთხოების მიზნით ახლომდებარე კლინიკებიდან პაციენტების ევაკუაციაც განხორციელდა. ხანძრის შედეგად დაშავებულთა შესახებ ინფორმაცია არ გავრცელებულა. ადგილზე სახანძრო სამაშველო სამსახურის რამდენიმე ჯგუფი მუშაობს.