თბილისი-რომი-თბილისი
დღეიდან თბილისი-რომის მიმართულებით პირდაპირი ავიამიმოსვლა დაიწყო. ფრენებს „ჯორჯიან ეარვეისი“ ახორციელებს. დღემდე, საქართველოდან იტალიის დედაქალაქის მიმართულებით პირდაპირი ფრენა მხოლოდ ქუთაისიდან, უცხოური ავიაკომპანიების საშუალებით იყო შესაძლებელი. ფრენები თბილისიდან კვირაში ორჯერ შესრულდება. თბილისის საერთაშორისო აეროპორტს მიმდინარე წელს ისეთი ცნობილი ავიაკომპანიები დაემატა, როგორიცაა British Airways-ი, easyJet-ი და Edelweiss-ი. იტალიის მიმართულებით ახალ პირდაპირ რეისებზე ქართული ავიახაზებით მგზავრობა, იტალიის დედაქალაქის გარდა მილანსა და ფორლიში იქნება შესაძლებელი