ევროკავშირი რუსული აგრესიისგან თავდაცვისთვის ემზადება
ევროკავშირი რუსული აგრესიისგან თავდაცვისთვის ემზადება. „პოლიტიკოს“ ცნობით, თავდაცვის საკითხებისა და კოსმოსის ევროკომისარი ანდრეუს კუბილიუსი თავდაცვის სფეროსთვის ევროკავშირის 7 წლიან ბიუჯეტში 100 მილიარდი ევროს გამოყოფას ითხოვს. ევროკომისარი ამბობს, რომ ევროპამ უკრაინის სამხედრო დახმარება უნდა განაგრძოს და პარალელურად, შესაძლო რუსული აგრესიისთვის მოემზადოს. მისი თქმით, თუ უკრაინა ომში დამარცხდება, ევროკავშირის წევრ სახელმწიფოებზე რუსული სამხედრო აგრესიის რისკი გაიზრდება, მანამდე კი ევროკავშირმა საკუთარი სამხედრო წარმოება უნდა გაზარდოს.