2007 წლის 7 ნოემბერს, საღამოს სპეცრაზმი ტელეკომპანია „იმედში “ შემოიჭრა, დაარბია, აპარატურა გაანადგურა და არხის მაუწყებლობა გათიშა

2007 წლის 7 ნოემბერს, საღამოს სპეცრაზმი ტელეკომპანია „იმედში “ შემოიჭრა, დაარბია, აპარატურა გაანადგურა და არხის მაუწყებლობა გათიშა. შეიარაღებულმა ნიღბიანმა ძალოვნებმა გარე პერიმეტრის დაკავების შემდეგ, რკინის ჯებირები გადმოკვეთეს, შენობაში შემოვიდნენ, თანამშრომლები იატაკზე დააწვინეს და აპარატურა დალეწეს. ამ ყველაფერს წინ უძღოდა მაშინდელი მაღალჩინოსნების განცხადებები. მოგვიანებით, „იმედის“ დარბევის საქმეზე დაკითხულმა ყოფილმა სპეცრაზმელებმა ჩვენებებში დეტალურად გაიხსენეს, რომ „იმედში“ შემოსვლის ბრძანება ზურაბ ადეიშვილისა და დათა ახალაიასგან მიიღეს. მაშინდელი გენპროკურორის მოადგილე ნიკა გვარამია „იმედის“ შენობის დალუქვას ითხოვდა. დარბევის და ტელე "იმედის" ხელში ჩაგდების შემდეგ იყო რამდენიმეთვიანი პაუზა და სახეშეცვლილი ტელეკომპანია, სადაც სარედაქციო პოლიტიკას არა არხის მენეჯმენტი, არამედ ნაციონალური მოძრაობის ხელისუფლების მაღალი თანამდებობის პირები განსაზღვრავდნენ. უკანონოდ მითვისებული „ტელეიმედი“ ბადრი პატარკაციშვილის ოჯახს 2012 წლის ოქტომბერში დაუბრუნდა. ვანო მერაბიშვილს, მიხეილ სააკაშვილს, ზურაბ ადეიშვილს, დავით კეზერაშვილს, გიგი უგულავას გამოძიებამ 7 ნოემბრის აქციის დარბევასა და „იმედში“ შეჭრასთან დაკავშირებით ბრალი წარუდგინა.