პრემიერ-მინისტრი ირაკლი კობახიძე საქართველოში გაეროს ახლად დანიშნულ მუდმივ კოორდინატორს შეხვდა
პრემიერ-მინისტრი ირაკლი კობახიძე საქართველოში გაეროს ახლად დანიშნულ მუდმივ კოორდინატორს შეხვდა. საუბარი შეეხო საქართველოს მთავრობისა და გაეროს მუდმივი კოორდინატორის ოფისის პარტნიორობას, გამოითქვა სამომავლო თანამშრომლობის მზაობა. მთავრობის მეთაურმა ხაზი გაუსვა გაეროს მუდმივი კოორდინატორის ძალისხმევას ქვეყნის საჭიროებებისა და ეროვნული პრიორიტეტების მხარდაჭერაში, მათ შორის, 2030 წლის დღის წესრიგისა და მდგრადი განვითარების მიზნების ეფექტიანად განხორციელების მიმართულებით. მხარეებმა განიხილეს საქართველოს ოკუპირებულ ტერიტორიებზე უსაფრთხოებისა და ადამიანის უფლებების კუთხით არსებული ვითარება.