ინტიმური ფაილები
ინტიმური შინაარსის ფაილები და დიდი სკანდალი ბლოგერისა და აქციების ერთ-ერთი აქტიური მონაწილის, უჩა აბაშიძის გარშემო. ირკვევა, რომ უჩა აბაშიძე მეუღლეს უღებდა ვიდეოებს, სექსუალურ პარტნიორებთან, სექსუალური კავშირის დროს და როგორც ვიდეოში ჩანს, თავად ფარდის უკან იმალებოდა. ათეულობით ჩამწერი მოწყობილობა დამონტაჟებული იყო საცხოვრებელი ბინის ოთახებში, მათ შორის, საძინებელში და ფარულად იყო განთავსებული სხვადასხვა სახის საყოფაცხოვრებო ტექნიკასა და ნივთებში. შინაგან საქმეთა სამინისტროს მიერ ჩატარებული გამოძიებით ასევე დადგინდა, რომ მარიამ იაშვილის საკონტაქტო მონაცემები სექსუალური მომსახურების სხვადასხვა ინტერნეტ საიტებზე იყო გამოქვეყნებული, სადაც მისი მხრიდან სექსუალური მომსახურების შეთავაზება ხდებოდა. მას შემდეგ, რაც კონკრეტულ პირთან მოხდებოდა შეთანხმება და იგი მივიდოდა მათ ბინაში, ბრალდებულები, აღნიშნული პირისგან მალულად, სპეციალურად დამონტაჟებული მოწყობილობების საშუალებით, სისტემატურად, უკანონოდ იღებდნენ და ინახავდნენ ინტიმური კავშირის ამსახველ აუდიო ვიდეო ჩანაწერებს. ამ გზით, 2019 წლიდან 2024 წლამდე პერიოდში, განხორციელდა ასობით სხვადასხვა პირის სქესობრივი კავშირის ამსახველი ათასობით ვიდეო აუდიო მასალის ჩაწერა.