„ქრონიკა“ ისრაელიდან
ისრაელში საომარი მდგომარეობის გამოცხადებიდან ორ კვირაზე მეტი გავიდა. კონფლიქტი ნეგატიურად აისახა ისრაელის ეკონომიკაზე. ქვეყანაში გაიზარდა სურსათის ფასი. დოლართან მიმართებაში ვარდნას განიცდის ეროვნული ვალუტაც. ადგილობრივი ექსპერტები ეკონომიკური მაჩვენებლების გაუარესებას რამდენიმე ფაქტორს უკავშირებენ მათ შორის, ებრაული დასახლებებიდან მოსახლეობის ევაკუაციას, რეზერვში 300 ათასამდე ადამიანის გაწვევას და ტურიზმის ჩავარდნას.