ტელეკომპანია “იმედის” დაარსებიდან 20 წელი გავიდა
ტელეკომპანია “იმედის” დაარსებიდან 20 წელი გავიდა. ბადრი პატარკაციშვილის ტელევიზიის პირველი პირდაპირი ეთერი 2003 წლის 15 მარტს იყო. საქართველოში პირველად სწორედ ტელეკომპანია „იმედმა“ დაიწყო ლიცენზირებული პროდუქციის ჩვენება. „იმედი“ ერთ-ერთი ყველაზე სანდო და რეიტინგული არხია. ტელევიზიას არაერთი მძიმე დღეც ახსოვს. 2007 წლის 7 ნოემბერს, მშვიდობიანი აქციის დარბევა, ტელეკომპანია „იმედში“ სპეცრაზმის შემოჭრით დასრულდა. არხის მფლობელებს ტელეკომპანია წაართვეს და ის ხელისუფლების კონტროლის ქვეშ გადავიდა. მფლობელებმა არხი მხოლოდ 2012 წელს, ხელისუფლების შეცვლის შემდეგ დაიბრუნეს. დღეს კი საქართველოში მოქმედი რეიტინგების დამთვლელი ორივე კომპანიის მონაცემებით, „იმედი“ სატელევიზიო სივრცის უპირობო ლიდერია.