პოლონეთში საქართველოს საელჩოს დიანა ჟღენტი უხელმძღვანელებს
პოლონეთში საქართველოს საელჩოს დიანა ჟღენტი უხელმძღვანელებს. დიპლომატს პრემიერი შეხვდა.ირაკლი ღარიბაშვილმა და ელჩმა საქართველოსა და პოლონეთს შორის თანამშრომლობის საკითხები განიხილეს. მთავრობის მეთაურმა დიანა ჟღენტს ელჩის თანამდებობაზე დანიშვნა მიულოცა და წარმატებები უსურვა. თავის მხრივ, დიანა ჟღენტმა პრემიერ-მინისტრს გამოცხადებული ნდობისთვის მადლობა გადაუხადა. დიანა ჟღენტი ნიუ-იორკში, საქართველოს გენერალური კონსულის თანამდებობას იკავებდა. ასევე, ხელმძღვანელობდა ნიდერლანდების სამეფოში საქართველოს საელჩოს საკონსულო სამსახურს. დიანა ჟღენტს აქვს მრავალწლიანი გამოცდილება. ის საგარეო საქმეთა სამინისტროში სხვადასხვა პოზიციაზე მუშაობდა.