გიორგი მამარდაშვილის წარმატებული მატჩი
გიორგი მამარდაშვილმა ესპანეთის საფეხბურთო ჩემპიონატში უმაღლეს დონეზე კიდევ ერთი შეხვედრა ჩაატარა. ლა ლიგის მე-10 ტურში „ვალენსია“, რომლის რიგებშიც ქართველი მეკარე თამაშობს, სტუმრად „სევილიას“ შეხვდა და შეხვედრა 1-1 დასრულდა. მამარდაშვილმა სტუმრები გაშვებული ბურთისგან რამდენჯერმე იხსნა, განსაკუთრებით ეფექტიანად კი პირველ ტაიმში ითამაშა, როდესაც ორწუთიან მონაკვეთში ორი ურთულესი დარტყმა მოიგერია. ათბალიანი სისტემით მას შვიდიანი დაუწერეს და ამ მხრივ მხოლოდ ერთი თანაგუნდელი ჩამორჩა. რაც შეეხება უშუალოდ შეხვედრას, სტუმრები მეექვსე წუთზე კავანიმ დააწინაურა, რასაც მასპინძლებმა ლამელას ზუსტი დარტყმით უპასუხეს. მომდევნო ტურში „ვალენსია“ 22 ოქტომბერს საკუთარ მოედანზე „მალიორკას“ უმასპინძლებს.