ტურიზმის ეროვნულმა ადმინისტრაციამ არაბთა გაერთიანებული საამიროებიდან ცნობილ მსახიობსა და ინფლუენსერს უმასპინძლა
ტურიზმის ეროვნულმა ადმინისტრაციამ არაბთა გაერთიანებული საამიროებიდან ცნობილ მსახიობსა და ინფლუენსერს უმასპინძლა. საუდ ალ ქააბი სპარსეთის ყურის ქვეყნების სატელევიზიო სერიალების პოპულარული მსახიობი და ტელეპროდიუსერია. ინფო-ტურის ფარგლებში ის თბილისს, უფლისციხეს, სტეფანწმინდას და ლოპოტას ეწვია. გადაიღო ტურისტულად საინტერესო ადგილები, რომელსაც მსახიობის სოციალურ ქსელში დიდი გამოხმაურება მოჰყვა და ათი-ათასობით მოწონება დაიმსახურა. ინფო-ტურის მიზანი არაბთა გაერთიანებულ საამიროებში საქართველოს ტურისტული პროდუქტების პოპულარიზაცია და სპარსეთის ყურის ქვეყნებიდან ტურისტების მოზიდვაა.