ბრიტანელმა წყვილმა საოცნებო შვებულებაზე უარი თქვა და ძაღლს £12 000-ს ღირებულების ოპერაცია გაუკეთა

დიდ ბრიტანეთში ჩეშირის საგრაფოში წყვილმა ქორწინების 20 წლისთავის გადახდაზე უარი ძაღლის გამო თქვა. ცოლ-ქმარმა გაიგო, რომ მათი საყვარელი ლაბრადორი ავად იყო და გულზე სასწრაფო ოპერაცია ესაჭიროებოდა.

პოლ და პაულინა დეილებს საზეიმო ღონისძიებისთვის თანხა 12 000 ფუნტი სტერლინგი ჰქონდათ მოგროვებული. მათ შვებულებაში წასვლა უნდოდათ, მაგრამ ეს ფული მთლიანად ძაღლის ოპერაციაზე დახარჯეს. ინფორმაციას BBC ავრცელებს.

გამოცემა წერს, რომ ბრიტანელმა ვეტერინარებმა პირველად ჩაატარეს ცხოველის გულზე ასეთი რთული ოპერაცია. ძაღლი ახლა რეაბილიტაციის კურსს გადის. ცოლ-ქმარი კი ბედნიერია, რომ თავისი საყვარელი ძაღლის გადარჩენა შეძლეს.

„ეს ჩვენი ქორწინების წლისთავისთვის ყველაზე კარგი საჩუქარია“, - ამბობს პაულინა დეილი.