საქართველოს ნაკრებმა მსოფლიო ჩემპიონატზე შერეულ გუნდურ ასპარეზობაში ბრინჯაოს მედალი მოიპოვა

საქართველოს ნაკრებმა ბაქოში ძიუდოს მსოფლიო ჩემპიონატზე შერეულ გუნდურ ასპარეზობაში მესამე ადგილი დაიკავა. ბრინჯაოს მედლებისთვის შეხვედრაში ჩვენმა გუნდმა ჩინეთი ანგარიშით 4:1 დაამარცხა.

ბრძოლები მოიგეს: ნინო გულბანმა (70 კგ), ლუკა მაისურაძემ (90 კგ), ეთერ ლიპარტელიანმა (57კგ) და ირაკლი დემეტრაშვილმა (100+ კგ). საქართველოს ნაკრები ამ დაპირისპირებაში მხოლოდ 5 ძიუდოისტით ასპარეზობდა, რადგან სოფიო სომხიშვილმა (78+კგ) ფრანგებთან მიღებული ტრავმის გამო ჭიდაობა ვეღარ შეძლო და ერთი ქულა ჩინეთმა ავტომატურად მიიღო. ტრავმირებული ლაშა ბექაური კი, ლუკა მაისურაძემ შეცვალა.

ამ გამარჯვებით საქართველომ მსოფლიო ჩემპიონატზე შერეულ გუნდურ ასპარეზობაში მედალი ზედიზედ მეოთხედ მოიგო.