ვეტერანი ფეხბურთელი ვესლი სნეიდერი სკანდალში გაეხვია

ვეტერანი ჰოლანდიელი ფეხბურთელი, ვესლი სნეიდერი სერიოზულ სკანდალში გაეხვია. ამის შესახებ The Sun-ი წერს.

„ინტერისა“ და „რეალის“ ყოფილი ნახევარმცველი როტერდამის პოლიციამ ვანდალიზმის ბრალდებით დააკავა, თუმცა მოგვიანებით, კომპენსაციის გადახდის შემდეგ გაათავისუფლა.

როგორც სამართალდამცავები აცხადებენ, მათ ვიდეომასალა აქვთ, სადაც ნათლად ჩანს თუ როგორ წევს არაფხიზელ მდგომარეობაში მყოფი სნეიდერი ერთ-ერთი მანქანის სახურავზე და შემდეგ მასზე ცეკვას ცდილობს.

ფეხბურთელი და მისი აგენტი მომხდარზე კომენტარს არ აკეთებენ.