მაია ომიაძე ლონდონში, World Travel Market -ის გამოფენაზე: დიდი ბრიტანეთი საქართველოსთვის ერთ-ერთი სტრატეგიულად მნიშვნელოვანი ბაზარია. ჩვენ მთელი წლის განმავლობაში გვაქვს მარკეტინგული კამპანიის ფარგლებში სხვადასხვა ტიპის აქტივობები

საქართველოს ტურიზმის ეროვნული ადმინისტრაცია ეროვნული სტენდით იმყოფება ლონდონში, საერთაშორისო ერთ-ერთ ყველაზე პრესტიჟულ ტურისტულ გამოფენაზე. ამ პერიოდის განმავლობაში ამ ინდუსტრიაში მოღვაწე, როგორც ბიზნესები, ისე ავიაციის და მედიის წარმომადგენლები თავს იყრიან და მთელი 3-4 დღის განმავლობაში ძალიან მაღალი რანგის შეხვედრები მიმდინარეობს, - განაცხადა „დღის ქრონიკასთან“ ტურიზმის ეროვნული ადმინისტრაციის ხელმძღვანელმა მაია ომიაძემ.

მისი თქმით, დიდი ბრიტანეთის ბაზარი ძალიან მნიშვნელოვანია საქართველოსთვის.

„დიდი ბრიტანეთი საქართველოსთვის ერთ-ერთი სტრატეგიულად მნიშვნელოვანი ბაზარია. განსაკუთრებით მას შემდეგ იმატა მესამე კვარტალში 18%-ით ტურისტების ნაკადმა, რაც პირდაპირი რეისები დაინიშნა. ძალიან საინტერესო ბაზარია. ჩვენ მთელი წლის განმავლობაში გვაქვს მარკეტინგული კამპანიის ფარგლებში სხვადასხვა ტიპის აქტივობა“, - განაცხადა მაია ომიაძემ.
მისი თქმით, დაგეგმილია მასშტაბური სარეკლამო კამპანიები, რომ ცნობადობა უფრო გაიზარდოს.

საქართველოს ტურიზმის ეროვნული ადმინისტრაცია ლონდონის საერთაშორისო გამოფენაში World Travel Market მონაწილეობს.