მცხეთა-მთიანეთის სახელმწიფო რწმუნებულმა ლევან ზაუტაშვილმა თიანეთის მუნიციპალიტეტში ინფრასტრუქტურული პროექტები დაათვალიერა

თიანეთის მუნიციპალიტეტში ინფრასტრუქტურული პროექტები მცხეთა-მთიანეთის სახელმწიფო რწმუნებულმა ლევან ზაუტაშვილმა ადგილობრივი ხელისუფლების წარმომადგენლებთან ერთად დაათვალიერა.

სოფელ სიმონიანთხევში შიდა გზის რეაბილიტაცია მიმდინარეობს, თეთრახევაში კი სტიქიის შედეგად დაზიანებული ხიდ-ბოგირის აღდგენა დასასრულს უახლოვდება.

საავტომობილო ხიდის მშენებლობა გრძელდება იარაჯულებში, ხოლო სოფელ ტუშურებში, მდინარე ქუსნოზე, ახალი სახიდე გადასასვლელი ეწყობა.

ამასთან, ჭანდრისხევსა და ჭურჭელაურებში წყალმომარაგების სამუშაოები 200-მდე ბენეფიციარისთვის ხორციელდება.