ამბროლაურის მუნიციპალიტეტის მერმა ზაზა ქევანიშვილმა საზოგადოებას გაწეული საქმიანობის შესახებ ანგარიში წარუდგინა

ამბროლაურის მუნიციპალიტეტის მერმა ზაზა ქევანიშვილმა საზოგადოებას გაწეული საქმიანობის შესახებ ანგარიში წარუდგინა.

ანგარიშის წარდგენას რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე, რწმუნებულის მოადგილე ალუდა თუთისანი, მერის პირველი მოადგილე ასლან საგანელიძე, მერის მოადგილე თამარ ქევანაშვილი, საკრებულოს თავმჯდომარე ზვიად მხეიძე და სხვადასხვა სფეროს წარმომადგენლები ესწრებოდნენ.

მერმა ისაუბრა საანგარიშო პერიოდში შესრულებულ სამუშაოებზე, განხორციელებულ და მიმდინარე ინფრასტრუქტურულ პროექტებზე, სხვადასხვა მუნიციპალურ პროგრამასა და მოსახლეობის საჭიროებებზე მორგებულ ინიციატივებზე. ყურადღება გაამახვილა მუნიციპალიტეტის განვითარებისკენ მიმართულ საქმიანობაზე, მიღწეულ შედეგებსა და სამომავლო გეგმებზე.

„დიდი მადლობა მინდა გადაგიხადოთ თითოეულ თქვენგანს მხარდაჭერისა და თანამშრომლობისთვის. ერთად კიდევ ბევრ მნიშვნელოვან პროექტსა და პროგრამას განვახორციელებთ, რაც მუნიციპალიტეტის განვითარებასა და მოსახლეობის ცხოვრების პირობების გაუმჯობესებას შეუწყობს ხელს“ - აღნიშნა ზაზა ქევანიშვილმა.