დმანისში სახალხო დღესასწაული „დმანისობა 2026“ გაიმართა

დმანისში სახალხო დღესასწაული „დმანისობა 2026“ გაიმართა. ქალაქის ცენტრში სტუმრებს კულტურული და ეთნო-გასტრონომიული კუთხეები, საბავშვო სივრცეები, ადგილობრივი მეწარმეების ნაწარმის გამოფენა-გაყიდვა და სპორტული აქტივობები დახვდათ.

დღესასწაულის ფარგლებში ადგილობრივი შემოქმედებითი ჯგუფებისა და ინდივიდუალური შემსრულებლების კონცერტი გაიმართა. დაჯილდოვდნენ საპატიო დმანისელები და წარმატებული მოქალაქეები. საღამო ანრი ჯოხაძის სოლო კონცერტით დასრულდა.