ხულოს სახელმწიფო დრამატულ თეატრში ლეგენდარული „ქართული ხმების” სოლო კონცერტი გაიმართა

აჭარის ავტონომიური რესპუბლიკის კულტურის სამინისტროს პროგრამის „კულტურა მთაში“ ფარგლებში, ხულოს სახელმწიფო დრამატულ თეატრში ლეგენდარული „ქართული ხმების” სოლო კონცერტი გაიმართა.

ხულოს მუნიციპალიტეტის ინფორმაციით, საღამო ანსამბლის დაარსებიდან 40 წლის იუბილეს მიეძღვნა. შესრულდა ანსამბლის რეპერტუარიდან ცნობილი და ყველასათვის საყვარელი სიმღერები.

აჭარის კულტურის სამინისტრო პროექტს „კულტურა მთაში“ 2026 წლიდან ახორციელებს. პროგრამის ფარგლებში, ხულოს დრამატულ თეატრში, მთელი წლის განმავლობაში იმართება სხვადასხვა შინაარსისა და ფორმატის ღონისძიებები, რომლებშიც მონაწილეობენ აჭარის კულტურის სამინისტროს სისტემაში შემავალი, ასევე, ადგილობრივი და აჭარის სხვა მუნიციპალიტეტებიდან მოწვეული შემოქმედებითი ჯგუფები, ანსამბლები და სოლო შემსრულებლები.

ანსამბლ „ქართული ხმების“ კონცერტს ესწრებოდნენ ხულოს მუნიციპალიტეტის მერი ვახტანგ ბერიძე, აჭარის კულტურის მინისტრი ელისო ბოლქვაძე, მოადგილე ირმა აბულაძე, მაღალმთიანი აჭარის დელეგატი საქართველოს პარლამენტში ანზორ ბოლქვაძე, საკრებულოს თავმჯდომარე, რენარ ბოლქვაძე, ხულოს დრამატული თეატრის დირექტორი ნანო შაინიძე და ადგილობრივი მოსახლეობა.