აკაკი ალადაშვილი მიკიტა პოტურაევის განცხადებაზე: ეს განცხადებაც არის ორმაგი სტანდარტის გამოხატულება მისი მხრიდან, ზოგადად, ევრობიუროკრატიის მხრიდან და ჩვენ ეს სერიოზულად არ უნდა აღვიქვათ

ეს განცხადებაც არის ორმაგი სტანდარტის გამოხატულება მისი მხრიდან და ზოგადად, ევრობიუროკრატიის მხრიდან, - განაცხადა მიკიტა პოტურაევის განცხადების შეფასებისას საპროცედურო საკითხთა და წესების საპარლამენტო კომიტეტის თავმჯდომარის პირველმა მოადგილემ, აკაკი ალადაშვილმა.

მისივე თქმით, პოტურაევის განცხადების მიზანია, რომ „აგენტურას რაღაცნაირად დაუჭიროს მხარი“.

„ამ ადამიანის განცხადება არასერიოზულია. მისი ამ განცხადების ერთადერთი მიზანია, რომ ამ აგენტურას რაღაცნაირად დაუჭიროს მხარი. რა თქმა უნდა, მისი განცხადებაც არის ორმაგი სტანდარტის გამოხატულება მისი მხრიდან და ზოგადად, ევრობიუროკრატიის მხრიდან და ჩვენ ეს სერიოზულად არ უნდა აღვიქვათ“, - განაცხადა აკაკი ალადაშვილმა.

ეუთოს საპარლამენტო ასამბლეის პრეზიდენტმა და უკრაინის რადის დეპუტატმა მიკიტა პოტურაევმა, რომელიც საქართველოში პარტიების აკრძალვის პროცესს აპროტესტებს, უკრაინაში თავად აკრძალა 18 პარტია. პოტურაევი საქართველოს საკონსტიტუციო სასამართლოს მიერ პოლიტიკური პარტიების აკრძალვის საქმეს გამოეხმაურა. მან სპეციალური განცხადება გაავრცელა, სადაც საკონსტიტუციო სასამართლოს მიერ საქმის განხილვას შემაშფოთებელი უწოდა.