თენგიზ შარმანაშვილი: ნიკა გვარამიას შუამდგომლობა არ უნდა დაკმაყოფილდეს, რადგან აშკარად დროის გაწელვას ემსახურება

იმ ფორმით, რა ფორმითაც ითხოვს ნიკა გვარამია შუამდგომლობის დაყენებას, ეს არის დროის გაჭიანურება. ჩვენ ჩვენი მტკიცებულებები გვაქვს წარმოდგენილი, ვერავინ ასწავლის მოსარჩელეს, რა ფორმით და როგორ წარმოადგინოს, ეს არის მისი ექსკლუზიური უფლებამოსილება, - განაცხადა თავდაცვის კომიტეტის თავმჯდომარის მოადგილემ, თენგიზ შარმანაშვილმა საკონსტიტუციო სასამართლოში მიმდინარე სხდომაზე საუბრისას.

მისივე თქმით, ეს შუამდგომლობა არ უნდა დაკმაყოფილდეს, რადგან აშკარად დროის გაწელვას ემსახურება

„სასამართლო ამ ყველაფერს შეისწავლის. ჩვენ გვჯერა, რომ უდიდეს ნაწილს ალბათ ჩათვლის რელევანტურად და დასაბუთებულად, ნაწილზე შეიძლება თქვას, რომ არ არის დასაბუთებული და ამიტომ მე ჩემს შეფასებასა და საბოლოო გადაწყვეტილებაში ამას გამოვიყენებ და ვიტყვი, რომ ეს მტკიცებულება არ არის“, - აღნიშნა შარმანაშვილმა.