ბაჩო ოდიშარია: 2028 წლის არჩევნები იქნება ალბათ ყველაზე მშვიდი, თუ რაღაც მნიშვნელოვანი დახმარება არ გაუწიეს ოპოზიციას ქვეყნის გარედან ევრობიუროკრატიის ხელით, რომელიც ამდენი ხანია ცდილობს, როგორმე სახელმწიფოში გადატრიალება მოაწყოს

2028 წლის არჩევნები იქნება ალბათ ყველაზე მშვიდი, თუ რაღაც მნიშვნელოვანი დახმარება არ გაუწიეს ქვეყნის გარედან ევრობიუროკრატიის ხელით [ოპოზიციას], რომელიც ამდენი ხანია ცდილობს, როგორმე სახელმწიფოში გადატრიალება მოაწყოს, - განაცხადა კინომცოდნე ბაჩო ოდიშარიამ გადაცემაში „დღის ქრონიკა“.

გადაცემის წამყვანმა ჰკითხა, IRI-ის კვლევები, სადაც ოპოზიციას მხარდაჭერის დაბალი პროცენტული მაჩვენებელი აქვს, როგორ შეცვლის წარმოდგენას მათ საერთაშორისო პარტნიორებში.

„IRI-ის კვლევას არ ვიცი, რა შეიძლება დაარქვა - კუბოზე ლურსმანი, თუ საბოლოო აღსასრული, მაგრამ რომ წამოჰყვეთ ბოლო 14 წლის განმავლობაში ამ ორგანიზაციის კვლევებს, ვერ ნახავთ „ქართული ოცნების“ ასეთ მხარდაჭერას. იმდენად ცუდი მდგომარეობაა, რომ მათ [მკვლევრებმა] ვერ შეძლეს იმ დონემდე გაყალბება, რომ არ ეთქვათ, რომ ოპოზიციას, საერთოდ ჯამში, გამოკითხულთა 16%-მდე მხარდაჭერა აქვს. თან ეს არაა საარჩევნო წელი. აღარ არსებობს რესურსი, რომ ეს ილუზია შექმნან.

ოპოზიციამ არ იცის, რა სჭირდება ქართველ ხალხს. დაინახეს, რომ მშვიდობაა პრიორიტეტი და ესეც შეიძლება მათთვის გასაკვირი ყოფილიყო. 2028 წლის არჩევნები იქნება ალბათ ყველაზე მშვიდი, თუ რაღაც მნიშვნელოვანი დახმარება არ გაუწიეს ქვეყნის გარედან ევრობიუროკრატიის ხელით, რომელიც ამდენი ხანია ცდილობს, როგორმე სახელმწიფოში გადატრიალება მოაწყოს“, - აღნიშნა ოდიშარიამ.