არჩილ გორდულაძე: რაც გერმანიაში არის აკრძალული და იწვევს სისხლის სამართლებრივ პასუხისმგებლობას, ზუსტად იგივე საქართველოში არის გამოხატვის თავისუფლების წინააღმდეგ ბრძოლა

როდესაც შსს-ში შეიქმნა სიძულვილის წინააღმდეგ ბრძოლის შესაბამისი სამსახური, ეს მონათლეს გამოხატვის თავისუფლების წინააღმდეგ ბრძოლად, - განაცხადა გადაცემაში „იმედი LIVE“ იურიდიულ საკითხთა საპარლამენტო კომიტეტის თავმჯდომარემ არჩილ გორდულაძემ.

მისივე თქმით, რაც გერმანიაში არის აკრძალული და იწვევს სისხლის სამართლებრივ პასუხისმგებლობას, ზუსტად იგივე საქართველოში გამოხატვის თავისუფლების წინააღმდეგ ბრძოლად შეირაცხა.

„ნატა ფერაძეს გერმანიაში ერთი ადამიანი უჩივის და ადმინისტრაციული პასუხისმგებლობა კი არა, სისხლის სამართლის პასუხისმგებლობა შეიძლება დაუდგეს. ანუ, რაც გერმანიაში არის აკრძალული და იწვევს სისხლის სამართლებრივ პასუხისმგებლობას, ზუსტად იგივე საქართველოში არის გამოხატვის თავისუფლების წინააღმდეგ ბრძოლა. 45 წელს რას უთხრა უარი ევროპამ? - როგორც მახსოვს სეგრეგაციას და დღეს ევროკავშირის წარმომადგენლობა მეუბნება, რომ ადამიანი, რომელიც ზუსტად ამას აკეთებს, ეს არის გამოხატვის თავისუფლება. სხვადასხვა ე.წ. ელჩი თუ წარმომადგენელი რას გვეუბნება: თურმე ადამიანები არიან მხოლოდ ისინი, ვინც სექტანტურ შოუებს აწყობენ რუსთაველზე და დანარჩენი საზოგადოება საზოგადოება არ არის“, - განაცხადა გორდულაძემ.