არჩილ გორდულაძე: არამხოლოდ საქართველოს სჭირდება ევროკავშირი, არანაკლებ სჭირდება ევროკავშირს საქართველო ერთი მარტივი მიზეზიდან გამომდინარე, მიმოვიხედოთ რა ხდება ჩვენი ქვეყნის გარშემო, როგორი გეოპოლიტიკური ძვრებია

არამხოლოდ საქართველოს სჭირდება ევროკავშირი, არანაკლებ სჭირდება ევროკავშირს საქართველო ერთი მარტივი მიზეზიდან გამომდინარე, მიმოვიხედოთ რა ხდება ჩვენი ქვეყნის გარშემო, როგორი გეოპოლიტიკური ძვრებია, - განაცხადა გადაცემაში „იმედი LIVE“ იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ.

გორდულაძის თქმით, ძალიან ბევრი რამეა დამოკიდებული ეკონომიკურ გზებზე და ერთადერთი მშვიდობის კუნძული, დერეფანი, სადაც კი შეიძლება რომ გაიაროს დამაკავშირებელმა გზამ აღმოსავლეთსა და დასავლეთს შორის, არის საქართველო.

„ჩვენ ვამბობთ ასეთ რაღაცას, რომ არამხოლოდ საქართველოს სჭირდება ევროკავშირი, არანაკლებ სჭირდება ევროკავშირს საქართველო ერთი მარტივი მიზეზიდან გამომდინარე, მიმოვიხედოთ რა ხდება ჩვენი ქვეყნის გარშემო, როგორი გეოპოლიტიკური ძვრებია. მათ შორის, რა ომები, რა საომარი ვითარებებია. როგორ იცვლება მაგალითად, სავაჭრო გზები.

მოდით იმაზეც შევთანხმდეთ, რომ ძალიან ბევრი რამეა დამოკიდებული ეკონომიკურ გზებზე და ერთადერთი მშვიდობის კუნძული, დერეფანი, სადაც კი შეიძლება რომ გაიაროს დამაკავშირებელმა გზამ აღმოსავლეთსა და დასავლეთს შორის, არის საქართველო.

ჩვენი ქვეყანა ამდენი ასეული წლის შემდეგ იბრუნებს დაკავშირებადობის ფუნქციას, რომელიც ამდენი ხნის განმავლობაში ჩვენი ისტორიული ფუნქცია იყო“, - აღნიშნა მან.