ლევან მახაშვილი ჩეხეთის ელჩს შეხვდა

საქართველოს პარლამენტის ევროპასთან ინტეგრაციის კომიტეტის თავმჯდომარე ლევან მახაშვილი საქართველოში ჩეხეთის რესპუბლიკის საგანგებო და სრულუფლებიან ელჩს, პეტრ კუბერნატს შეხვდა, - ინფორმაციას საქართველოს პარლამენტი ავრცელებს.

უწყების ცნობით, შეხვედრაზე საქართველო-ევროკავშირს შორის არსებული ურთიერთობები მიმოიხილეს. საუბარი შეეხო საქართველოს ევროკავშირში ინტეგრაციის პროცესს და ამ მიმართულებით საქართველოს მიერ გადადგმულ ნაბიჯებს.

„შეხვედრისას ასევე ისაუბრეს დაგეგმილ ვიზიტებსა და სამომავლო თანამშრომლობის საკითხებზე“, - აღნიშნულია გავრცელებულ ინფორმაციაში.