დავით ჩიხელიძე ოპოზიციაზე: შექმნიან რაღაც გაერთიანებას, არის გარკვეული ხმაურიანი განცხადებები, მაგრამ როცა სამუშაო პროცესი იწყება, სკამის გამო ბრძოლა წინა პლანზე გადმოიწევს ხოლმე და მათ შორის შეუთანხმებლობა იზრდება, რის შედეგადაც მათი გაერთიანება თუ შეიქმნა წინასაარჩევნოდ, არჩევნების შემდგომ იშლება, ხოლო თუ შეიქმნა არასაარჩევნო პერიოდში, რამდენიმე თვეში იშლებიან ისე, რომ მხოლოდ ერთი-ორ შეხვედრას მართავენ

შექმნიან რაღაც გაერთიანებას, არის გარკვეული ხმაურიანი განცხადებები, მაგრამ როცა სამუშაო პროცესი იწყება, როგორც ჩანს, სკამის გამო ბრძოლა წინა პლანზე გადმოიწევს ხოლმე და მათ შორის შეუთანხმებლობა იზრდება, - განაცხადა ოპოზიციაზე საუბრისას გადაცემაში „დღის ქრონიკა“ ექსპერტმა დავით ჩიხელიძემ.

მან აღნიშნა, რომ ოპოზიცია არის არათანმიმდევრული და მათ სიტყვას საზოგადოებაში ფასი არ აქვს.

„2012 წლის შემდგომ არაერთი გაერთიანება ვნახეთ, მათ შორის, წინასაარჩევნო და არაწინასაარჩევნო პერიოდში. თუნდაც, ბოლო გაერთიანება იყო იმის წინაპირობა, რომ თითქოსდა ამ გაერთიანებას უნდა მიეღწია არჩევნებამდე, რაც, რა თქმა უნდა, თავიდანვე გამორიცხული იყო. საზოგადოება ხედავს, რომ მათ ერთმანეთთან დიალოგი არ შეუძლიათ - შექმნიან რაღაც გაერთიანებას, არის გარკვეული ხმაურიანი განცხადებები, მაგრამ როცა სამუშაო პროცესი იწყება, როგორც ჩანს, სკამის გამო ბრძოლა წინა პლანზე გადმოიწევს ხოლმე და მათ შორის შეუთანხმებლობა იზრდება, რის შედეგადაც მათი გაერთიანება თუ შეიქმნა წინასაარჩევნოდ, არჩევნების შემდგომ იშლება, ხოლო თუ შეიქმნა არასაარჩევნო პერიოდში, რამდენიმე თვეში იშლებიან ისე, რომ მხოლოდ ერთი-ორ შეხვედრას მართავენ“, - განაცხადა ჩიხელიძემ.

მისი შეფასებით, ოპოზიცია „ნაციონალური მოძრაობის“ დნმ-ს მატარებელია და ამ პარტიისგან დისტანცირებით „პროდუქტის შიგთავსი არ იცვლება“.

„რაც შეეხება გამიჯვნას „ნაციონალური მოძრაობისგან“, დღეს ჩვენ რასაც ვხედავთ - ხაბეიშვილმა რომ თქვა, „მე ნაციონალური მოძრაობის დნმ მაქვსო“, ამ ადამიანებს აქვთ „ნაციონალური მოძრაობის“ დნმ. ისინი რას დაირქმევენ - „ახალს“ თუ სხვა სახელს, მათი წარსული „ნაციონალურ მოძრაობასთან“ მჭიდრო კავშირშია. ესენი არიან იმ ყველაფრის თანამონაწილეები, და ზოგი შემსრულებელი, რაც ხდებოდა ჩვენთან მათი მმართველობის დროს - ადამიანთა დევნა, სისასტიკე, მკვლელობები და ასე შემდეგ. შესაბამისად, რაც არ უნდა დისტანცირება მოახდინონ, ახალი შეფუთვა პროდუქტს არ ცვლის, შიგთავსი იგივე რჩება. ოპოზიციურ ველზე ჩვენ გვაქვს სამწუხაროდ, ეს მოცემულობა. იქ ახალ სახეს ფაქტობრივად, ვერ ვხედავთ“, - აღნიშნა ჩიხელიძემ.