მედია: პოლონეთში უკრაინის ორი მოქალაქე რუსეთის სასარგებლოდ ჯაშუშობისა და დივერსიების მოწყობის ბრალდებით დააკავეს

პოლონეთის შიდა უსაფრთხოების სააგენტომ უკრაინის ორი მოქალაქე დააკავა, რომლებიც ეჭვმიტანილნი არიან სამხედრო და კრიტიკული ინფრასტრუქტურის ობიექტების შესახებ ინფორმაციის შეგროვებასა და რუსული სპეცსამსახურების დავალებით დივერსიების მოწყობაში. ინფორმაციას უკრაინული მედია ავრცელებს.

მედიის ცნობით, ეჭვმიტანილები ქალაქ მინსკ-მოზავეცკიში, ქვეყნის ცენტრალურ-აღმოსავლეთ ნაწილში დააკავეს. დაკავებულთა ასაკი 24 და 25 წელია.

ჯაშუშობისა და დივერსიების გარდა, მამაკაცებს ბრალად ედებათ სატრანსპორტო საშუალებების დაწვაც.

პოლონელმა სამართალდამცველებმა აგრეთვე დაადგინეს, რომ უკრაინის მოქალაქეები საკუთარი ავტომობილების ჩვეულებრივ სანომრე ნიშნებს ცვლიდნენ და უკრაინული არმიის ნომრებს აყენებდნენ.

დავალებების შესრულებისთვის ისინი მატერიალურ შემოსავალს იღებდნენ, მათ შორის კრიპტოვალუტის სახით.

უკრაინის მოქალაქეებს სამი თვით წინასწარი პატიმრობა უკვე შეეფარდათ.