ენერგეტიკის საკითხებში ევროკომისარი: ჩვენ ვიცით, რომ ეს ზამთარი რთული იქნება ევროპელი მოქალაქეებისა და, ზოგადად, ჩვენი ეკონომიკისთვის

გეოპოლიტიკური ტურბულენტობის გამო, ევროპა კიდევ ერთი ენერგეტიკული კრიზისის წინაშე დგას, - განუცხადა ენერგეტიკის საკითხებში ევროკომისარმა, დან იორგენსენმა ჟურნალისტებს ბრიუსელში, ევროპელ ნავთობგადამამუშავებლებთან გამართული შეხვედრის შემდეგ.

„ჩვენ ვიცით, რომ ეს ზამთარი რთული იქნება ევროპელი მოქალაქეებისა და, ზოგადად, ჩვენი ეკონომიკისთვის“, - აღნიშნა მან და დასძინა, რომ ევროკავშირში საწვავის გადასახადები კატასტროფულად იზრდება.

ევროკომისიის პროგნოზით, დიზელის გლობალურ ბაზარზე დეფიციტი და მაღალი მოთხოვნა 2027 წლამდე შენარჩუნდება, რაც ენერგორესურსებზე მაღალ ფასებს შეინარჩუნებს.