ემანუელ მაკრონი: აშშ და ჩვენ გავაერთიანებთ ძალისხმევას, რათა მივაღწიოთ მორატორიუმს უკრაინის ენერგეტიკულ და სამოქალაქო ინფრასტრუქტურაზე დარტყმებზე

აშშ და საფრანგეთი უკრაინაში სამოქალაქო ობიექტებზე დარტყმებზე მორატორიუმის მიღწევას ეცდებიან, - განაცხადა ემანუელ მაკრონმა ნიუ-იორკში დონალდ ტრამპთან შეხვედრის შემდეგ.

„ჩვენ გავაერთიანებთ ძალისხმევას, რათა მივაღწიოთ მორატორიუმს უკრაინის ენერგეტიკულ და სამოქალაქო ინფრასტრუქტურაზე დარტყმებზე. მშვიდობიანი მოსახლეობა დაცული უნდა იყოს და რაც შეიძლება სწრაფად უნდა დავიწყოთ სერიოზული მოლაპარაკებები რუსეთსა და უკრაინას შორის მშვიდობის პირობებზე“, - დაწერა საფრანგეთის პრეზიდენტმა ნიუ-იორკში თეთრი სახლის ხელმძღვანელთან შეხვედრის შემდეგ სოციალურ ქსელ X-ში.

დონალდ ტრამპთან მოლაპარაკებების შემდეგ ჟურნალისტებთან საუბრისას ემანუელ მაკრონმა აღნიშნა, რომ ისინი უკრაინისთვის თავდაცვისუნარიანობის განმტკიცებაში დახმარების აუცილებლობაზე შეთანხმდნენ. მისი თქმით, საუბარი ეხებოდა, კიევისთვის დამატებითი რაკეტების მიწოდებას რუსული საჰაერო თავდასხმებისგან დასაცავად.

22-დან 26 სექტემბრამდე ნიუ-იორკში გაეროს გენერალური ასამბლეის 81-ე სესია მიმდინარეობს, სადაც თითქმის 130 მსოფლიო ლიდერი შეიკრიბება.