უკრაინის თავდაცვის ყოფილმა მინისტრმა, მიხაილო ფედოროვმა განაცხადა, რომ ზელენსკი მზად იყო არჩევნები ომის დასრულებამდე ჩაეტარებინა, თუმცა ამ იდეაზე უარი მასში ვალერი ზალუჟნის სავარაუდო მონაწილეობის გამო თქვა

უკრაინის თავდაცვის ყოფილმა მინისტრმა, მიხაილო ფედოროვმა განაცხადა, რომ პრეზიდენტი ვოლოდიმირ ზელენსკი მზად იყო არჩევნები ომის დასრულებამდე ჩაეტარებინა, თუმცა ამ იდეაზე უარი მასში ვალერი ზალუჟნის სავარაუდო მონაწილეობის გამო თქვა.

ფედოროვის თქმით, მან არჩევნების ჩატარების ინიციატივა ჯერ კიდევ ივნისში წამოაყენა. მას მიაჩნია, რომ არჩევნების ორგანიზება ომის დასრულებამდეც შესაძლებელია - ჯერ საპრეზიდენტო, ხოლო შემდეგ საპარლამენტო.

ფედოროვი ამტკიცებს, რომ ზელენსკი თავდაპირველად მზად იყო ასეთი სცენარისთვის, თუმცა გადაწყვეტილება მას შემდეგ შეცვალა, რაც ზალუჟნის სავარაუდო კანდიდატურის საკითხი გამოიკვეთა.

„პრეზიდენტს პირდაპირ ვუთხარი: „არჩევნები უნდა ჩავატაროთ, რადგან როდესაც მათზე ფიქრს შეწყვეტთ, საკუთარ ძეგლზე დაიწყებთ ფიქრს“. მან მკითხა: „შენი ინტერესი რაშია?“. მე ვუპასუხე: „ომში გამარჯვებაში“, - აღნიშნა ფედოროვმა.

ფედოროვმა ასევე აღნიშნა, რომ მას შემდეგ, რაც არჩევნების ჩატარების იდეის საჯარო პოპულარიზაცია დაიწყო, მისი პოლიტიკური პროექტის პირდაპირი დაფინანსების შეთავაზება არ მიუღია, თუმცა, მისივე თქმით, „დაინტერესებული ბევრი იყო“.