ტრამპი რამდენიმე მედიასაშუალებისთვის აკრედიტაციის გაუქმებაზე: თეთრი სახლი არ ესხმის თავს თავისუფალ პრესას. ეს არის თავდასხმა ყალბ ახალ ამბებზე, რომლებიც კიბოსავით გავრცელდა ჩვენს საყვარელ ამერიკის შეერთებულ შტატებში

დონალდ ტრამპი მიერ თეთრი სახლის წინააღმდეგ შეტანილ ფედერალურ სარჩელს გამოეხმაურა და განაცხადა, რომ ადმინისტრაციის ნაბიჯები მიმართულია არა თავისუფალი პრესის, არამედ „ყალბი ახალი ამბების“ წინააღმდეგ. შესაბამისი განცხადება აშშ-ის პრეზიდენტმა საკუთარ სოციალურ ქსელში Truth Social გამოაქვეყნა.

„თეთრი სახლი არ ესხმის თავს თავისუფალ პრესას, მე მას ძალიან ვაფასებ. ეს არის თავდასხმა ყალბ ახალ ამბებზე, რომლებიც კიბოსავით გავრცელდა ჩვენს საყვარელ ამერიკის შეერთებულ შტატებში. ეს არის კორუმპირებული, მიზანმიმართული, ყოვლისმომცველი, სრულად კოორდინირებული და აბსოლუტურად უკონტროლო მოვლენა. ეს საფრთხეს უქმნის ჩვენს ეროვნულ უსაფრთხოებას და უნდა შეჩერდეს, ახლავე!“ - დაწერა ტრამპმა.

აშშ-ის პრეზიდენტმა Politico-ს, CNN-სა და MS NOW-ს თეთრ სახლში მუშაობა რამდენიმე დღის წინ აუკრძალა. დღეს კი მედიასაშუალებებმა განაცხადეს, რომ ტრამპის ამ გადაწყვეტილებას სასამართლოში გაასაჩივრებენ.