ცნობილია რა თემებზე გაამახვილებს ტრამპი ყურადღებას გაეროს გენერალურ ასამბლეაზე

გაეროში აშშ-ის ელჩის, მაიკ უოლცის განცხადებით, პრეზიდენტი დონალდ ტრამპი გაეროს გენერალურ ასამბლეაზე სიტყვით გამოსვლისას დაასაბუთებს, თუ რატომ არ უნდა მიეცეს ირანს ბირთვული იარაღის მოპოვების შესაძლებლობა. უოლცი აღნიშნავს, რომ პრეზიდენტი ასევე ისაუბრებს ადმინისტრაციის ღონისძიებებზე ღაზასთან დაკავშირებით, კერძოდ, 20-პუნქტიან სამშვიდობო გეგმაზე.

გაეროში ტრამპის ვიზიტის ფარგლებში, გაიმართება შეხვედრა სპარსეთის ყურის ექვსი არაბული ქვეყნის ლიდერებთან - იმ ფონზე, როდესაც ვაშინგტონი ირანთან კონფლიქტში თავის შემდგომ ნაბიჯებს განიხილავს. ტრამპის გამოსვლა გაეროში 22 სექტემბერს არის დაგეგმილი.

უოლცმა დასძინა, რომ ტრამპს ასევე დაგეგმილი აქვს შეხვედრები დიდი ბრიტანეთის პრემიერ-მინისტრთან ენდი ბერნემთან და იაპონიის პრემიერ-მინისტრთან სანაე ტაკაიჩისთან.