Bloomberg: რუსეთმა ზამთარში უკრაინაზე დარტყმებისთვის ყველაზე საშიში რაკეტების დაგროვება დაიწყო
მსოფლიო
ფოტო: Reuters
აგვისტოდან, რუსეთმა უკრაინაში ბალისტიკური რაკეტების გამოყენება მნიშვნელოვნად შეამცირა და იერიშები რეაქტიული დრონების გამოყენება გაზარდა, რაც შესაძლოა უკრაინის ენერგეტიკაზე ზამთრის დარტყმებისთვის რაკეტების დაგროვებაზე მიუთითებდეს, - წერს Bloomberg-ი.
გამოცემა აღნიშნავს, რომ ბალისტიკური რაკეტები უკრაინულ ინფრასტრუქტურას, განსაკუთრებით კი ენერგეტიკულ ობიექტებს, ყველაზე სერიოზულ ზიანს აყენებს. ამ ფონზე, Patriot-ის სისტემებისთვის რაკეტების ნაკლებობა ზამთრის წინ ერთ-ერთ მთავარ რისკად რჩება.
Bloomberg-ი ვარაუდობს, რომ ბალისტიკური რაკეტების გამოყენების შემცირება შესაძლოა ნიშნავდეს რუსეთის მიერ მარაგების დაგროვებას ელექტრო და თბოენერგეტიკულ ინფრასტრუქტურაზე იერიშებისთვის სიცივეების პერიოდში, რაც ჩვეულებრივ ოქტომბრის ბოლოს ან ნოემბრის დასაწყისში იწყება.
