ზელენსკი და ტრამპი ნიუ-იორკში შეხვედრაზე შეთანხმდნენ

ვოლოდიმირ ზელენსკისა და დონალდ ტრამპს შორის 20 სექტემბერს საღამოს სატელეფონო საუბარი შედგა. უკრაინის პრეზიდენტის თქმით, ისინი ნიუ-იორკში შეხვედრაზე შეთანხმდნენ.

როგორც უკრაინის საგარეო დაზვერვის სამსახურის უფროსმა, რუსტემ უმეროვმა Axios-თან საუბარში დააზუსტა, პრეზიდენტების შეხვედრა 22 სექტემბერს არის მოსალოდნელი. ამ დღეს ტრამპი გაეროს გენერალურ ასამბლეაზე სიტყვით გამოვა.

საუბრისას ზელენსკიმ ტრამპს რუსეთის წინააღმდეგ „ჯოჯოხეთური“ სანქციების შესახებ კანონის ხელმოწერისთვის მადლობა გადაუხადა.

Axios-ის წყარომ, რომელიც საუბრის შინაარსს იცნობს, განაცხადა, რომ ტრამპმა ზელენსკის რამდენჯერმე სთხოვა, შეეწყვიტა დარტყმები რუსულ ნავთობგადამამუშავებელ ქარხნებზე, რადგან ეს დიზელის საწვავზე მსოფლიო ფასების ზრდას იწვევს.

„სიტყვა „დიზელი“ საუბრისას რამდენჯერმე გაჟღერდა“, - განაცხადა გამოცემის თანამოსაუბრემ.