ნიუ-იორკში აშშ-სა და ჩინეთს შორის მოლაპარაკებები გაიმართა

ნიუ-იორკში ამერიკისა და ჩინეთის წარმომადგენლებმა მოლაპარაკებები გამართეს. ამერიკულ დელეგაციას სახაზინო მდივანი სკოტ ბესენტი ხელმძღვანელობდა, ჩინეთის დელეგაციას კი ქვეყნის ვიცე-პრემიერი ჰე ლიფნგი.

მხარეებმა ვაჭრობისა და ინვესტიციების, ასევე ხელოვნური ინტელექტის საკითხები განიხილეს.

ბესენტმა ჟურნალისტებს განუცხადა, რომ მხარეებმა აშშ-სა და ჩინეთს შორის ხელოვნური ინტელექტის საკითხებზე ახალი დიალოგის დაწყება განიხილეს. განსაკუთრებული აქცენტი გაკეთდა ეროვნული უსაფრთხოების გამოწვევებზე და შეტყობინების სისტემაზე, რომელიც საერთო მიზნებსა თუ საფრთხეებს, მათ შორის ეროვნული უსაფრთხოების დონემდე ასულ, AI-სთან დაკავშირებულ ინციდენტებს დაფარავს.

„მიგვაჩნია, რომ მსოფლიოში პირველ და მეორე AI- სახელმწიფოს შორის გაურკვევლობიდან მეტ გამჭვირვალობაზე გადასვლა უკიდურესად მნიშვნელოვანია“, - განაცხადა ბესენტმა მოლაპარაკებების დასრულების შემდეგ.