ევროპარლამენტარი აფროდიტი ლათინოპოლუ ურსულა ფონ დერ ლაიენს: არ არსებობს თქვენზე დიდი რასისტი ევროპელების წინააღმდეგ, თქვენ აავსეთ ჩვენი სახელმწიფოები არალეგალი მიგრანტებით, თქვენ ჩაფლული ხართ სკანდალებში, კორუფციის სერიოზული ბრალდებებით - ქალბატონო ფონ დერ ლაიენ, თქვენ ჩვენ გაგვანადგურეთ

ბერძენმა ევროპარლამენტარმა აფროდიტი ლათინოპოლუმ ევროპარლამენტში გამოსვლისას ურსულა ფონ დერ ლაიენი მწვავედ გააკრიტიკა. მან ევროკომისიის პრეზიდენტი ევროპის სახელმწიფოების მიგრანტებით ავსებასა და ტრადიციული ოჯახის განადგურებაში დაადანაშაულა.

„ქალბატონო ფონ დერ ლაიენ, არ არსებობს თქვენზე დიდი რასისტი ევროპელების წინააღმდეგ და მტკიცებულებები ამას ადასტურებს!

თქვენ აავსეთ ჩვენი სახელმწიფოები არალეგალი მიგრანტებით. დაგვახრჩვეთ გადასახადებითა და ბიუროკრატიით. გაანადგურეთ ჩვენი ფერმერები, მესაქონლეები და მეთევზეები. თქვენ ხურავთ ევროპის ქარხნებს, რაც ასობით ათას სამუშაო ადგილს იწირავს. გაანადგურეთ ტრადიციული ოჯახი. თავს გვახვევთ „ვოუქ“ იდეოლოგიას, „მწვანე სიგიჟეს“, ევროპის ისლამიზაციას.

თქვენ იყენებთ ჩვენს ფულს მილიონობით არალეგალი მიგრანტის დასაფინანსებლად, რომლებმაც დაშალეს ჩვენი სამეზობლოები, რომლებიც აუპატიურებენ, ავიწროებენ და კლავენ. საბოლოოდ კი აძლევთ მათ საბუთებს, რათა ხმის მიცემა შეძლონ.

სანაცვლოდ კი მოგვეცით ქაღალდის საწრუპები, ბოთლზე მიმაგრებული თავსახურები და გეი-პრაიდი. თქვენ მხოლოდ მერკელის საუკეთესო მოსწავლე კი არ ხართ, თქვენ მას გადააჭარბეთ, ქალბატონო ფონ დერ ლაიენ.

თქვენ ჩაფლული ხართ სკანდალებში, კორუფციის სერიოზული ბრალდებებით — „პფაიზერგეიტი“: დაკარგული შეტყობინებები და შემოწმებაზე უარის თქმა. და ეს ყველაფერი ევროპის მოქალაქეთა არჩევანის ლეგიტიმაციის გარეშე ხდება, მხოლოდ სოციალისტებისა და ვებერის მხარდაჭერით.

ქალბატონო ფონ დერ ლაიენ, თქვენ ჩვენ გაგვანადგურეთ!" - განაცხადა აფროდიტი ლათინოპოლუმ.