ნატო-ს სამხედრო კომიტეტის თავმჯდომარე: ნატო მზად არის, საჭიროების შემთხვევაში, რუსეთის შესაძლო ესკალაციას უპასუხოს

ნატო-ს სამხედრო კომიტეტის თავმჯდომარე ადმირალმა ჯუზეპე კავო დრაგონემ განაცხადა, რომ ნატო მზად არის, საჭიროების შემთხვევაში, ევროპის აღმოსავლეთ ფლანგზე რუსეთის შესაძლო ესკალაციას უპასუხოს.

მან ასევე აღნიშნა, რომ ბოლო პერიოდში რუსეთის „უპასუხისმგებლო ქმედებები“ ალიანსის ერთიანობასა და მზადყოფნას „ამოწმებს”, ასევე მიზნად ისახავს ნატო-ს წევრებს შორის ნდობის შესუსტებას.

„ჩვენ მზად ვართ ესკალაციისთვის. თავდასხმის შემთხვევაში, ვიცით, როგორ უნდა ვიმოქმედოთ. მინდა, მკაფიოდ ვთქვა, რომ ეს მცდელობები ვერ დაგვყოფს. პირიქით, ისინი გვაიძულებს, გავაძლიეროთ ჩვენი შესაძლებლობები და გვხდის უფრო ერთიანსა და უფრო მტკიცეს“, - აღნიშნა ნატო-ს სამხედრო კომიტეტის თავმჯდომარემ.