ABC News: ირანის თავდასხმების შედეგად ახლო აღმოსავლეთში დაზიანებულ აშშ-ის სამხედრო ბაზების აღდგენას ათწლეულები დასჭირდება

ირანის თავდასხმების შედეგად ახლო აღმოსავლეთში აშშ-ის სამხედრო ბაზები სერიოზულად დაზიანდა. ინფორმაციას ABC News-ი მოპოვებულ ფოტო და ვიდეომასალაზე დაყრდნობით ავრცელებს.

მასალებში, რომლებიც ABC News-მა ახლახან მოიპოვა და რომლებიც კონფლიქტის სხვადასხვა ეტაპზეა გადაღებული, ჩანს დაზიანებული შენობები და სამხედრო თვითმფრინავი ქუვეითში მდებარე აშშ-ის სამ სამხედრო ბაზაზე, ასევე საუდის არაბეთში მდებარე ბაზაზე, სადაც ამერიკული სამხედრო ობიექტებია განთავსებული. საფრთხის გამო მათი ნაწილის ევაკუაციაც განხორციელდა.

ABC News-ს აშშ-ის შეიარაღებული ძალების ერთ-ერთმა მაღალჩინოსანმა განუცხადა, რომ სამხედრო ობიექტებისთვის მიყენებული ზიანის აღდგენას „ათწლეულები“ დასჭირდება.

ამერიკის შეერთებულმა შტატებმა ირანთან ომი ექვს თვეზე მეტი ხნის წინ დაიწყო და ამჟამად პენტაგონი კონფლიქტის შედეგად მიყენებულ ზარალს აფასებს, წერს ტელეარხი.