რუსეთმა და უკრაინამ დაღუპული სამხედრო მოსამსახურეების ცხედრები გაცვალეს - უკრაინულ მხარეს 252 დაღუპულის ცხედარი გადაეცა, რუსულ მხარეს კი 23

ბელარუსისა და უკრაინის საზღვარზე მდებარე „ნოვაია გუტას“ სასაზღვრო-გამშვებ პუნქტზე, უკრაინასა და რუსეთს შორის დაღუპულ სამხედროთა ცხედრების მორიგი გაცვლა შედგა.

უკრაინის სამხედრო ტყვეებთან მოპყრობის საკოორდინაციო შტაბის ცნობით, უკრაინულ მხარეს 252 დაღუპულის ცხედარი გადაეცა.

უკრაინა უახლოეს პერიოდში გადმოცემული ცხედრების იდენტიფიცირებას განახორციელებს. თავის მხრივ, რუსულ მხარეს 23 დაღუპულის ცხედარი დაუბრუნდა.

დაღუპულთა ცხედრების წინა გაცვლა 2026 წლის 13 აგვისტოს განხორციელდა, როდესაც უკრაინამ 261, ხოლო რუსეთმა 24 ცხედარი მიიღო.