ევროპარლამენტარი ანდრაშ ლასლო: კანადის ევროკავშირში შესაძლო ასოცირებული წევრობა რეალური არ არის

ევროდეპუტატი ანდრაშ ლასლო სოციალურ ქსელ X-ში წერს, რომ ევროკავშირში კანადის ასოცირებული წევრობა რეალობას არ შეესაბამება.

მისი განმარტებით, ევროკავშირის ხელშეკრულებები მსგავს სტატუსს საერთოდ არ ითვალისწინებს.

დეპუტატი აღნიშნავს, რომ მსგავსი ნორმაც რომ არსებობდეს, ევროკომისიის პრეზიდენტს ამ საკითხზე გადაწყვეტილების მიღების უფლებამოსილება მაინც არ აქვს, რადგან წევრობისა და გაფართოების საკითხებს ევროპული საბჭო წყვეტს.

ლასლოს შეფასებით, ეს ინიციატივა მხოლოდ ევროპის ეკონომიკური და ენერგოუსაფრთხოების პრობლემებისგან პოლიტიკური ყურადღების გადატანის მცდელობაა.

„კანადის ევროკავშირში შესაძლო ასოცირებული წევრობა რეალური არ არის. ევროკავშირის ხელშეკრულებებში ასოცირებული წევრის სტატუსი საერთოდ არ არსებობს. მაგრამ იმ შემთხვევაშიც კი, თუ ასეთი სტატუსი იარსებებდა, მასზე გადაწყვეტილების მიღების უფლებამოსილება ევროკომისიის პრეზიდენტს არ ექნებოდა, რადგან წევრობასა და გაფართოებასთან დაკავშირებულ გადაწყვეტილებებს ევროკომისია კი არა, ევროკავშირის საბჭო იღებს.

ეს მხოლოდ პოლიტიკური ყურადღების გადატანის მცდელობაა, რადგან ურსულა ფონ დერ ლაიენისა და მისი კოალიციისთვის ევროპული ეკონომიკის პრობლემების მოგვარება და ენერგეტიკული უსაფრთხოების უზრუნველყოფა შეუძლებელია. ევროკავშირის ლიდერებმა ყურადღება რეალური პრობლემების მოგვარებაზე უნდა გაამახვილონ“, - დაწერა ლასლომ.

Canada's potential associate EU membership is not real.
There is no such thing in EU treaties as associate member. But even if there was, the European Commission president wouldn't have any power to decide about it because membership and enlargement decisions are taken by the…

— András LÁSZLÓ MEP 🇭🇺 (@laszloan) September 17, 2026