პესკოვი აშშ-ში რუსეთის წინააღმდეგ მიღებულ სასანქციო კანონზე: რა თქმა უნდა, აშშ-ის მხრიდან რუსეთის წინააღმდეგ დამატებითი სანქციების შემოღება ცალსახად გაართულებს უკრაინაში სამშვიდობო დარეგულირების გზების მოძიების ძალისხმევას

რუსეთის პრეზიდენტის პრესმდივანი დიმიტრი პესკოვი, აშშ-ის წარმომადგენელთა პალატის მიერ რუსეთის წინააღმდეგ მიღებულ სასანქციო კანონს გამოეხმაურა.

როგორც კრემლის წარმომადგენელმა განაცხადა, აშშ-ის მხრიდან რუსეთის წინააღმდეგ დამატებითი სანქციების შემოღება ცალსახად გაართულებს უკრაინაში სამშვიდობო დარეგულირების გზების მოძიების ძალისხმევას.

„რა თქმა უნდა, ჩვენ თვალყურს ვადევნებთ აღნიშნული დოკუმენტის მიღებას. ეს არამეგობრულ ქმედებებს განეკუთვნება. რა თქმა უნდა, აშშ-ის მხრიდან რუსეთის წინააღმდეგ დამატებითი სანქციების შემოღება ცალსახად გაართულებს უკრაინაში სამშვიდობო დარეგულირების გზების მოძიების ძალისხმევას“, - განაცხადა პესკოვმა

ცნობისთვის, აშშ-ის წარმომადგენელთა პალატამ, სენატორ ლინდსი გრემის მიერ რუსეთის წინააღმდეგ შემუშავებულ სანქციებს მხარი დღეს დაუჭირა. კანონპროექტი ახლა აშშ-ის პრეზიდენტს, დონალდ ტრამპს გადაეგზავნება ხელმოსაწერად.