აშშ-მა გაეროს გენერალურ ასამბლეაზე დასასწრებად პალესტინის ლიდერს მაჰმუდ აბასს ვიზა არ მისცა

აშშ-მა პალესტინის ლიდერს მაჰმუდ აბასს სექტემბერში ნიუ-იორკში გასამართ გაეროს გენერალურ ასამბლეაზე დასასწრებად ვიზა არ მისცა. ინფორმაციას BBC ავრცელებს.

დასავლური მედიის ინფორმაციით, ამერიკის სახელმწიფო დეპარტამენტი ვიზის გაცემაზე უარის თქმის მიზეზად ტერორისტულ დაჯგუფებასთან სავარაუდო კავშირს ასახელებს.

ამერიკული მხარე აბასის ადმინისტრაციას საერთაშორისო ინსტიტუტების მეშვეობით კონფლიქტის გაფართოებაში, პირდაპირი მოლაპარაკებებისთვის თავის არიდებასა და ტერორიზმში მსჯავრდებულთა ფინანსურ მხარდაჭერაში ადანაშაულებს.

პალესტინის ლიდერი გაეროს გენერალურ ასამბლეაზე სიტყვით დისტანციურად გამოვა. ნიუ-იორკში ვერ ჩავა პალესტინის დელეგაციაც.