TikTok-ის დამფუძნებელი აზიის ყველაზე მდიდარი ადამიანი გახდა
მსოფლიო
ჟანგ იმინი
ფოტო: Legion Media
TikTok-ის დამფუძნებელი ჟანგ იმინი აზიის ყველაზე მდიდარი ადამიანი პირველად გახდა. Bloomberg-ის მილიარდერთა ინდექსის მიხედვით, მისი ქონება 105 მილიარდ დოლარზე მეტს შეადგენს.
43 წლის ჟანგმა ინდოელ მაგნატ გაუტამ ადანის გადაუსწრო. 2019 წლის მარტიდან, როდესაც გამოცემამ მისი შემოსავლების მონიტორინგი დაიწყო, ჟანგის ქონება რვაჯერ გაიზარდა. მხოლოდ ამ თვეში ეს ციფრი 12 მილიარდი დოლარით გაიზარდა.
ვიდეოპლატფორმა TikTok-ის საყოველთაო გავრცელების წყალობით, ჟანგმა ჩინეთის ყველაზე მდიდარი ადამიანის სტატუსი 2024 წლის ოქტომბერში მოიპოვა. ასევე, მეწარმის წარმატებას უკავშირებენ მისი კომპანიის, ByteDance-ის პროექტების განვითარებას ხელოვნური ინტელექტის სფეროში. მათ შორის არის ჩატბოტი Doubao AI და ვიდეოგენერატორი Seedance.
ჟანგ იმინი 1983 წლის 1 აპრილს, ფუძიანის პროვინციაში დაიბადა. ის არის ინტერნეტ-მეწარმე, ტექნოლოგიური ჰოლდინგის, ByteDance-ის დამფუძნებელი და მოკლე ვიდეოების გაზიარების პლატფორმის, TikTok-ის შემქმნელი.
